“Gazprom” “Sibir qudrati” gaz quvuri orqali Xitoyga kunlik gaz eksporti bo‘yicha yangi tarixiy rekord o‘rnatdi. Bu haqda “RBK” xabar bermoqda.
Kompaniya rahbari Aleksey Millerning ta’kidlashicha, o‘tgan yili Xitoy so‘roviga ko‘ra yetkazib berishlar muntazam ravishda kunlik shartnoma miqdoridan oshib ketgan, bu esa yillik majburiyatlarning ortishiga olib kelgan.
“Bundan tashqari, xitoylik hamkasblarimizning iltimosiga ko‘ra, 31-dekabr kuni, ya’ni muddatidan bir necha kun oldin kelgusi yil uchun shartnomada belgilangan kunlik hajmlarni yetkazib berishni boshladik. Shunday qilib, 2023-yil 1-yanvardan “Gazprom” Xitoyga gaz yetkazib berishning prinsipial yangi darajasiga chiqdi”, — deydi Miller.
“Sibir qudrati” quvuri 2019-yilda ishga tushirilgan bo‘lib, Xitoyning CNPC kompaniyasi bilan shartnoma asosida gaz u orqali yetkazib beriladi.
2021-yilda “Gazprom” ushbu quvur orqali deyarli 10,4 mlrd kub metr gaz yetkazib berdi., 2022-yilda 15 mlrd kub metr gaz yetkazib berish rejalashtirilgan edi. 2023-yilda esa bu ko‘rsatkich 22 mlrd kub metr bo‘lishi kutilmoqda.
Avvalroq Rossiya omborlaridagi gaz zaxirasi tarixiy maksimal darajaga yetgani haqida xabar berilgan edi.
Izoh (0)