Германиянинг Mercedes-Benz автомобиль ишлаб чиқарувчиси бутун дунё бўйлаб — Шимолий Америка, Европа ва Хитойда ўзининг электр автомобилларни зарядловчи қурилмалар тармоғини яратиш ниятида. Бу ҳақда Heise хабар берди.
Маълумотларга кўра, компания 2030 йил охиригача электромобиллар учун 10 мингдан ортиқ тез зарядлаш пунктларини яратишни режалаштирмоқда.
Биринчи станциялар Шимолий Америкада бир йил ичида пайдо бўлади ва улар нафақат Mercedes-Benz автомобиллари, балки бошқа маркадаги автомобиллар учун ҳам хизмат қилади.
«Биз кутишни истамаймиз. Ўзимиз электр транспорт воситаларини тез зарядловчи глобал тармоқ яратамиз», — дея порталдан иқтибос келтирган концерн раҳбари Ола Каллениус.
Унинг сўзларига кўра, компания биргина Шимолий Америкада бунга 1 миллиард евродан ортиқ сармоя киритишга тайёр. 2027 йилга қадар АҚШ ва Канадада 2,5 мингта зарядловчи қурилмага эга 400 га яқин станция яратиш режалаштирилган.
Айни пайтда Европа ва Хитойдаги ҳамкорлар билан бир хил тармоқ яратиш бўйича музокаралар олиб борилмоқда, улар ҳали якунига етмаган.
Изоҳ (0)