Tesla yil oxirida prognoz qilinganidan qancha kam avtomobil yetkazib bergani ma’lum bo‘ldi

Amerikaning Tesla kompaniyasi 2022-yilning to‘rtinchi choragida rekord darajadagi daromad olgani ma’lum qilindi. Bu haqda Reuters xabar bermoqda.

Biroq hisob-kitoblar logistika muammolari, talabning pasayishi, foiz stavkalarining oshishi va retsessiya qo‘rquvi bilan chiqarilgan Wall Street’ning prognozlariga to‘g‘ri kelmaydi.

Refinitiv ma’lumotlariga ko‘ra, Tesla 2022-yilning so‘nggi uch oyida 405 mingta avtomobil yetkazib berdi. Wall Street esa bu ko‘rsatkich 431 mingta avtomobilga teng bo‘lishini prognoz qilgan edi.

Butun 2022-yil davomida kompaniyaning yetkazib berish hajmi 40 foizga o‘sdi va Maskning yillik 50 foizlik maqsadiga erisha olmadi.

Kompaniya 2022-yilda bozor qiymatining 65 foizini yo‘qotgan bo‘lsa ham, dunyodagi eng qimmat avtomobil ishlab chiqaruvchisi bo‘lib qolmoqda.

Tahlilchilar dunyoning eng yirik avtomobil bozori bo‘lgan Xitoyda talab pastligini, shuningdek, Ford Motor, General Motors va Rivian Automotive kabi startaplarning kuchli raqobatini tilga oladi. Xitoyda mikrochiplar va lokdaunlarning yo‘qligi ham elektr transport vositalarini yetkazib berishga ta’sir qildi.

Tesla aksiyalari 2022-yilda 65 foizga tushib ketdi. Bu 2010-yilda u birjaga chiqqanidan beri eng yomon yil bo‘ldi.

Yil davomida Tesla kapitallashuvi ikki baravar kamaydi — yil boshida u 1,2 trillion dollarga baholangan edi. Yilning oxirgi haftasida kompaniya aksiyalari 85 milliard dollarga arzonlashgan.