Shayxontohur tumanining bir necha mahallalarida gaz ta’minoti vaqtincha to‘xtatiladi

Toshkent shahri Shayxontohur tumanidagi 9 ta hududi vaqtincha gaz ta’minotidan uziladi. Bu haqda tuman hokimligi xabar qildi.

Qayd etilishicha, Ibn Sino mavzesi Beltepa ko‘chasidan o‘tgan o‘rta bosimli gaz quvurida nosozlik yuzaga kelgani bois 2023-yil 5-yanvar soat 10:00 dan 19:00 ga qadar Shayxontohur tumanining quyidagi mahallalarida gaz bo‘lmaydi:

• Beltepa ko‘chasidagi 23 ta ko‘p qavatli uy;
• Ibn Sino mavzesidagi 13 ta ko‘p qavatli uy;
• Jarariq mavzesidagi 21 ta ko‘p qavatli uy;
• Mingtepa ko‘chasidagi 4 ta ko‘p qavatli uy;
• “Yangi Jarariq” mahallasidagi 900 ta xonadon;
• Oqibat ko‘chasidagi 150 ta xonadon;
• Uyg‘un ko‘chasidagi 150 ta xonadon;
• “Ipakchilik” mahallasidagi 140 ta xonadon.

3-Issiqlik markazida gaz bosimi me’yoridan past bo‘ladi.