AOKAda o‘tkazilgan brifingda Kadastr agentligi axborot xizmati rahbari Ne’mat Atamuratov yer va kadastr nazorati yo‘nalishida 2022-yilda amalga oshirilgan ishlar sarhisobi yuzasidan ma’lumot berdi.
Kadastr agentligi organlari tomonidan 18 389 ta (6 157,5 gektar) yer qonun buzilishini sodir etgan shaxslarga ogohlantirish xatlari yuborilgan. Shundan 9 927 tasi (4 957,8 gektar) fuqarolar tomonidan ixtiyoriy ravishda bartaraf etilgan.
2 135 ta (15 130,4 gektar) holatda yerlardan maqsadsiz foydalanish holatlari aniqlanib, 1 919 ta (14 099,7 gektar) holatda hokimliklarga taqdimnomalar kiritilgan. Shundan 179 ta holatda (3 716,6 gektar) yer maydonlarining tuman hokimliklari zaxirasiga qaytarilishi ta’minlangan. Shuningdek, 216 ta holatda (1 030,7 gektar) sudlarga to‘g‘ridan to‘g‘ri da’vo kiritilgan.
2022-yil davomida mulkka bo‘lgan huquqini davlat ro‘yxatidan o‘tkazish uchun o‘z vaqtida vakolatga organga murojaat etmaslik holati bo‘yicha jami 23 292 ta holat aniqlanib, ularga nisbatan tegishli choralar ko‘rilgan.
Izoh (0)