Futbol bo‘yicha Angliya Premyer Ligasi 18-turidan o‘rin olgan o‘yinda “Liverpul” 30-dekabr, juma kuni “Lester”ga qarshi bahs olib bordi.
Uchrashuvning 4-daqiqasida Kirnan Dyuzberi-Holl hisobni ochdi. 38-daqiqada Uot Fas o‘z darvozasini ishg‘ol qilib, “Liverpul”ga hisobni tenglashtirishiga yordam berdi. Birinchi bo‘lim so‘ngida yana Fas o‘z darvozasiga gol urib qo‘ydi.
Ikkinchi bo‘limda darvozalar daxlsizligi saqlanib qoldi va “Liverpul” g‘alabani ilib ketdi.
Yurgen Klopp shogirdlari ochkolarini 28 taga yetkazib, 6-o‘rinni egallab turibdi. “Tulkilar” esa 17 ochko bilan 13-pog‘onani band etgan.
APL
18-tur bahsi
30-dekabr, juma
“Liverpul” – “Lester” 2:1
Gollar: 0:1 – 4 Dyuzberi-Holl, 1:1 – 38 Fas (avtogol), 2:1 – 45 Fas (avtogol).“Liverpul”: Alisson, Aleksander-Arnold (Gomes, 86), Matip, van Deyk, Robertson (Simikas, 62), Henderson, Tiago Alkantara, Elliott (Baychetich, 86), Oksleyd-Chemberlen (Keyta, 62), Saloh, Nunyes.
“Lester”: Uord, Kastan, Amarti, Fas, Tomas, Ndidi (Tilemans, 59), Sumare, Barns, Dyuzberi-Holl, Peres (Iheanacho, 71), Daka (Vardi, 15).
Ogohlantirish: Sumare (67).
Izoh (0)