Rossiya prezidenti matbuot kotibi Dmitriy Peskov Sovet Ittifoqi Rossiya tarixining ajralmas qismi ekanini aytib, Putinning SSSR qulaganidan afsuslanmaganlarning yuragi, tiklashni istaganlarning esa miyasi yo‘qligi haqidagi iqtibosini keltirib o‘tdi. Bu haqda “RIA Novosti‘” xabar berdi.
Peskov jurnalistlarning SSSR parchalanishidan qanday asosiy saboq olish mumkinligi haqidagi savoliga javob berdi.
“Bu taxminan ikki-uch soatlik ma’ruza mavzusi. Qancha ma’ruzachi bo‘lsa, shuncha turli nuqtai nazar bo‘ladi. Ulardan biri bo‘lishni xohlamayman. Shuni aytishim mumkinki, Sovet Ittifoqi tariximizning ajralmas qismidir”, — dedi Peskov.
Shuningdek, Rossiya prezidenti matbuot kotibi Putinning so‘zlaridan iqtibos keltirdi.
“Men Putinning Sovet Ittifoqini yo‘qotganidan afsuslanmayotganlarning yuragi, uni tiklashni istaganlarning miyasi yo‘q, degan so’zini eslatmoqchiman”, — deya xulosa qildi u.
Avvalroq SSSR sobiq bosh vaziri Nikolay Rijkov sovet ittifoqini qayta tiklash usulini aytgandi. Sovet ittifoqini ilgari mavjud bo‘lgan shaklda qayta tiklash ilojsiz, ammo sobiq ittifoq mamlakatlarini birlashtirish usuli borligini ta’kidlagan.
“Yevroittifoq va uning organlaridan iborat asosga ega bo‘lgan Yevropa birlashuviga yaqin bo‘lishga intilish kerak. YI tamoyili bo‘yicha postsovet makonida davlatlarning birlashmasini yangi shartlar asosida qaytadan yaratish mumkin bo‘lardi, deb o‘ylayman”, — degan u.
Rijkov ishonch bildirishicha, Sovet ittifoqining avvalgi formatini ko‘chirib olish hamda uning “1922-yilgi qiyofasini” qayta tiklash kerak emas, chunki davlat “tirik organizm” bo‘lib, u ham rivojlanadi, “keksayadi va xastalanadi”. “Hech narsa o‘z o‘rnida qolishi kerak emas, harakatlanishi kerak”, — dedi Rijkov.
Mavzuga doir:
Izoh (0)