Sovet ittifoqini ilgari mavjud bo‘lgan shaklda qayta tiklash ilojsiz, ammo sobiq ittifoq mamlakatlarini birlashtirish usuli bor. Bu haqda SSSR Vazirlar kengashi sobiq raisi Nikolay Rijkov “RIA Novosti”ga bergan intervyusida aytib o‘tdi.
“Yevroittifoq va uning organlaridan iborat asosga ega bo‘lgan Yevropa birlashuviga yaqin bo‘lishga intilish kerak. YI tamoyili bo‘yicha postsovet makonida davlatlarning birlashmasini yangi shartlar asosida qaytadan yaratish mumkin bo‘lardi, deb o‘ylayman”, — degan fikrni bildirdi u.
Rijkov ishonch bildirishicha, Sovet ittifoqining avvalgi formatini ko‘chirib olish hamda uning “1922-yilgi qiyofasini” qayta tiklash kerak emas, chunki davlat “tirik organizm” bo‘lib, u ham rivojlanadi, “keksayadi va xastalanadi”. “Hech narsa o‘z o‘rnida qolishi kerak emas, harakatlanishi kerak”, — dedi u.
30-dekabr kuni SSSRga asos solinganiga 100 yil to‘ladi. Nikolay Rijkov 1982—1985-yillarda KPSS (Sovet ittifoqi Kommunistik partiyasi) Markaziy qo‘mitasi kotibi, 1985—1990-yillarda — KPSS MQ siyosiy byurosi a’zosi, 1985—1991-yillarda esa Vazirlar kengashi raisi bo‘lgan. 1991-yilda RSFSR (Rossiya Sovet Federativ Sotsialistik Respublikasi) prezidenti saylovlarida ikkinchi o‘rinni egalladi. 1995-yildan Rijkov Davlat dumasi deputati, 2003-yildan esa Federatsiya kengashi a’zosi bo‘lib ishlay boshlagan.
Izoh (0)