Xitoy AQSHning mavjud dunyo tartibini o‘zgartirishga qodir yagona raqibi. Bu haqda AQSH davlat kotibi o‘rinbosari Vedant Patel ma’lum qildi.
“XXR — xalqaro tartibni o‘zgartirish niyatida bo‘lgan yagona raqibimiz”, — dedi Patel. Uning ta’kidlashicha, shu maqsadda Xitoy iqtisodiy, diplomatik, harbiy va texnologik qudratini oshirmoqda.
Pekin va Vashington o‘rtasidagi munosabatlar avgust oyida Vakillar palatasi spikeri Nensi Pelosining Tayvanga tashrifidan keyin keskinlashgan. Xitoy Tayvan orolning mustaqilligini tan olmaydi, uni o‘z hududi deb biladi. Shuning uchun mamlakat bu tashrifni keskin tanqid qildi, Tayvan hududida harbiy mashqlarni boshladi va shundan buyon muntazam ravishda harbiy kuchlarini orol yaqiniga olib bormoqda.
Xitoy harbiylarining mashg‘ulotlariga javoban Tayvan jangovar tayyorgarlik darajasini oshirdi. Orol hukumati, shuningdek, armiyada xizmat muddatini uch baravar oshirishga (to‘rt oydan bir yilgacha) qaror qildi va buni XXR tahdidi bilan izohladi. Qo‘shma Shtatlar Tayvan bilan rasmiy diplomatik aloqalarga ega bo‘lmasa-da, 1979-yildagi Tayvan munosabatlari to‘g‘risidagi qonunga muvofiq, orol o‘zini himoya qilishi uchun unga qurol sotmoqda.
Izoh (0)