Amerikalik qo‘shiqchi Merayya Kerining All I Want For Christmas Is You qo‘shig‘i Spotify striming xizmatida kunlik tinglashlar soni bo‘yicha rekord o‘rnatdi.
Vulture nashri bergan xabarga ko‘ra, rekord 24-dekabr kuni o‘rnatilgan. Aynan shu kunda Spotify foydalanuvchilari bayram haqidagi taronani 21,3 million marta tinglagan. Avvalgi rekord qo‘shiqchi Adelning Easy On Me qo‘shig‘iga tegishli. Xonandaning ushbu taronasi striming xizmati a’zolari tomonidan bir kunda 19,7 million marta tinglangan.
Merayyaning All I Want for Christmas Is You taronasi 1994-yilda muxlislarga taqdim etilgan, qo‘shiq xonandaning Merry Christmas albomiga kiritilgan. Musiqa har yili Yangi yil bayrami oldidan jahon xit-paradlariga kiritiladi, biroq kompozitsiya Amerikaning Billboard Hot 100 xit-paradida faqat 2019 yilda — ijro etilgandan 25 yil o‘tib birinchi o‘ringa loyiq ko‘rilgan. Shundan keyin tarona har yili Billboard Hot 100 ro‘yxatida birinchi o‘rinni egallaydi.
Mavzuga doir:
Izoh (0)