Америкалик хонанда Мерайя Керининг All I Want For Christmas Is You қўшиғи Spotify’да кунлик тинглашлар сони бўйича рекорд ўрнатди

Америкалик қўшиқчи Мерайя Керининг All I Want For Christmas Is You қўшиғи Spotify стриминг хизматида кунлик тинглашлар сони бўйича рекорд ўрнатди.

Vulture нашри берган хабарга кўра, рекорд 24 декабрь куни ўрнатилган. Айнан шу кунда Spotify фойдаланувчилари байрам ҳақидаги таронани 21,3 миллион марта тинглаган. Аввалги рекорд қўшиқчи Аделнинг Easy Оn Ме қўшиғига тегишли. Хонанданинг ушбу таронаси стриминг хизмати аъзолари томонидан бир кунда 19,7 миллион марта тингланган.

Мерайянинг All I Want For Christmas Is You таронаси 1994 йилда мухлисларга тақдим этилган, қўшиқ хонанданинг Меррй Чристмас альбомига киритилган. Мусиқа ҳар йили Янги йил байрами олдидан жаҳон хит-парадларига киритилади, бироқ композиция Американинг Billboard Hot 100 хит-парадида фақат 2019 йилда — ижро этилгандан 25 йил ўтиб биринчи ўринга лойиқ кўрилган. Шундан кейин тарона ҳар йили Billboard Hot 100 рўйхатида биринчи ўринни эгаллайди.

Мавзуга доир:

• Америкалик қўшиқчи Мерайя Керини қарийб 30 йил олдинги қўшиғи учун судга беришди. Ундан 20 млн доллар талаб қилишмоқда.
• Америкалик хонанда Мерайя Кери овози кучи билан шиша «бутилка»ни қулатиб юборди (видео).