Mashhurlar yuzlarini asl ko‘rinishida saqlash uchun hamma narsa qilishlari ajablanarli emas. Ammo yulduzlar orasida ham yoshga bog‘liq o‘zgarishlarni odatdagidek qabul qiladigan va har qanday sun’iylikka ochiqchasiga qarshi chiqadigan ayollar bor.
Kira Naytli, 37 yosh
Bir intervyuda Kira oqargan sochlari va ajinlari bor ayollardan zavqlanishini aytadi. Aktrisa tabiiy ravishda qarishni va qariganda xuddi shu ayollarga o‘xshab ko‘rinishni xohlashini ham tan oladi. Ammo shu bilan birga, o‘zining sochi oqarsa, tashvishlanadi va iloji boricha tezroq bo‘yashni xohlaydi.
Kira, hozir uni bema’nilik emas, balki ko‘zguda boshqa odamni ko‘rish qo‘rquvi boshqarganiga amin. Aktrisaning fotosuratlariga ko‘ra, u tashqi ko‘rinishida biror narsani o‘zgartirmoqchi emas.
Enn Xeteuey, 40 yoshda
“Qattiqqo‘l xonim” yulduzi ajinlar yuzni bezatadi, deb hisoblaydi: “23 yoshimda menga botoksni taklif qilishdi. 25 yoshdan 27 yoshgacha men har kuni ko‘z qovoqlarimga qarab: “Oz qoldi, oz qoldi!” deb o‘ylardim va keyin bu tabassumim izlaridan boshqa narsa emasligini angladim. Yoshligimdagi fotosuratlarimga qarasangiz, bolaligimdan beri xuddi shunday tabassum qilganimni ko‘rasiz. O‘sha paytda men tushundim: “Mana shu haqiqiy men”.
Julianna Mur, 62 yosh
Juliannaning so‘zlariga ko‘ra, u odamlarni botoks qildirgani uchun qoralaydiganlardan emas. Ammo aktrisa inyeksiya tashqi ko‘rinishga foydali ta’sir ko‘rsatishiga ishonmaydi. Uning fikricha, botoksdan so‘ng yuzga biror narsa qilingani darhol bilinadi va ko‘pincha bu g‘alati ko‘rinadi.
Salma Hayek, 56 yoshda
Aktrisaning aytishicha, u hech qachon botoks ukollarini qilmagan. Ammo bu haqda jiddiy o‘ylab ham ko‘rgan, hatto qildirilishiga oz qolgan, lekin fikridan qaytgan. Salma keksalikka falsafiy yondashadi va go‘zallik har bir odamning ichida bo‘lishi, ayol esa har qanday yoshda go‘zal ekanligiga ishonadi.
Keyt Uinslet, 47 yosh
Yoshi haqida gapirar ekan, ajinlarini yaxshi ko‘rshini, lekin shu bilan birga u yaxshi kosmetika yordamida terisini parvarish qilishni aytadi.
Jeymi Li Kertis, 64 yosh
Jeymi qarilik chaqaloqning nozik terisi kabi tabiiy ekaniga ishonadi. “Keksalik - bu eng toza shakldagi inson evolyutsiyasidir”, deydi yulduz.
Jennifer Konnelli, 52 yosh
“Tafakkur o‘yinlari” filmi yulduzi uchun baxt va farovonlik hamma narsadan ustun. Jennifer, ba’zi odamlar kabi, umumiy qabul qilingan standartlarga javob berish uchun o‘zini turli muolajalar bilan qiynamoqchi emasligini aytadi.
Xeydi Klum, 49 yosh
Xeydining so‘zlariga ko‘ra, plastik jarrohlik odamlarning yuzini qaytarib bo‘lmas darajada o‘zgartiradi. Ko‘pinch bu teskari ta’sir ko‘rsatadi. Ayniqsa, yosh qizlar haqida gap ketganda. “Men qarilikka qarshi muolajalarga murojaat qilayotgan yoshgina qizlarni bilaman. Hozirdan shunday bo‘lsa, 40 yoki 50 yoshda nima qilishadi?”, — deydi u.
Jennifer Lopes, 53 yosh
53 yoshida ham Jennifer ajoyib ko‘rinadi. Xonanda tarmoqdagi qizg‘in muhokamalar uchun sabab bo‘lishi ajablanarli emas. Ba’zilarning fikricha, Lopes o‘zining go‘zal terisi qarishga qarshi inyeksiyalar tufayli deb hisoblaydi. Ammo u hech qachon botoks inyeksiya qilmaganini aytadi va yolg‘onchilikda ayblansa, xafa bo‘ladi.
Izoh (0)