Dunyoga mashhur rejissor Jeyms Kemeronning “Avatar: Suv yo‘li” kinokartinasi butun dunyo bo‘ylab 1 milliard dollardan ko‘proq mablag‘ ishlab topdi. Film bu mablag‘ni ikki haftadan kamroq vaqtda to‘pladi.
“Avatar: Suv yo‘li” filmi jahon prokatida 1,4 milliard dollar mablag‘ yig‘gan “Top Gan: Meverik” kinokartinasidan keyin yilning eng ko‘p daromad keltirgan ikkinchi filmi bo‘ldi. Bu loyihalar 2014-yildan beri ilk marta Marvel kinokompaniyasi va “Yulduzlar jangi” kinokartinasiga tegishli bo‘lmagan dunyodagi eng ko‘p daromad keltirgan filmlarga aylandi (2014-yilda “Transformerlar: Yo‘q qilish davri” va “Xobbit: Beshta armiya jangi” eng ko‘p daromad keltirgan kinokartinalar bo‘lgan).
Ma’lumot uchun, “Avatar: Suv yo‘li” sujeti Na’vi qabilasidan bo‘lgan Jeyk Sulli (Sem Uortington) va uning oilasi haqida hikoya qiladi. Qahramonlar inson zotining tahdidi tufayli yangi suvosti hududiga ko‘chib o‘tishga majbur bo‘ladi. Filmda Zoi Saldana, Sigurni Uiver va Keyt Uinslet ham suratga tushgan.
Mavzuga doir:
- “Avatar: Suv yo‘li” filmining yangi treyleri namoyish etildi (video).
- “Avatar 4” filmining suratga olish ishlari boshlandi.
- “Avatar”dan 13 yil o‘tib, ikkinchi qism — “Avatar: Suv yo‘li” filmi ekranlarga chiqmoqda. Yangi qism nima haqida bo‘ladi?
- “Avatar”, “Dyuna” va o‘zga sayyoralardagi hayot haqida hikoya qiluvchi eng yaxshi filmlar.
Izoh (0)