“Oskar” mukofoti sovrindori Keyt Uinslet “Avatar: Suv yo‘li” filmini suratga olish jarayonida suv ostida nafasni ushlab turish rekordini yangiladi. Aktrisa 434 soniya (yetti daqiqa o‘n to‘rt soniya) nafasini ushlab turdi.
Keyt Uinslet “Uddalab bo‘lmas topshiriq-5” filmi uchun suv ostida roppa-rosa olti daqiqa davomida nafasini ushlab turgan Tom Kruzning rekordini yangilashga muvaffaq bo‘ldi. Uinslet USA Today nashriga bergan intervyusida hazil bilan Tom Kruzga rahmi kelishini aytdi:
“Bechora Tom. Men uni umuman tanimayman, hayotimda uchrashmaganman ham, biroq men uning rekordini qanday yangilaganim haqidagi gap-so‘zlarni eshitib to‘ygan bo‘lsa kerak, deb o‘ylayman. Shunday bo‘lsa ham, men xursandman. Men o‘zimning bu borada qanchalik yaxshi ekanligimga hayron bo‘ldim va yaxshilanishda davom etaman”, — deydi Keyt.
Kruz yangilangan rekord bo‘yicha izoh bermadi. Keyt Uinslet “Avatar” filmining davomida Pandora sayyorasidagi Na’vi suv qabilasining boshlig‘i Ronal rolini ijro etgan. Jeyms Kemeronning “Avatar: Suv yo‘li” kinokartinasi birinchi qism namoyish etilgandan 13 yil o‘tib, katta ekranlarga chiqdi.
Mavzuga doir:
- Gollivud aktyori Tom Kruz suratga tushayotgan yangi filmidagi eng xavfli tryuk haqida gapirib berdi (video).
- Tom Kruz muxlislarga “Top Gan: Meverik”ni qo‘llab-quvvatlagani uchun minnatdorlik bildirdi va samolyotdan sakradi (video).
- Keyt Uinslet va Leonardo Di Kaprio: Gollivudning yillar davomida sinalgan mustahkam do‘stligi tarixi.
- Keyt Uinslet 22 yoshida “Titanik”dagi 17 yoshli Rouzni gavdalantirgan. Aktrisaning o‘zi qahramonining yoshida qanday ko‘rinishda edi? (foto).
Izoh (0)