Qishki ta’til, ayniqsa bolajonlar uchun Yangi yil multfilmlarini ko‘rib chiqish uchun eng yaxshi vaqt. People Talk nashri bayram sovg‘asi tarzida eng yaxshi bayramona multfilmlar nomini sanab o‘tdi.
“Prostokvashinodagi qish” (1984)
Yangi yil shukuhi barcha mashhur va sevimli qahramonlar bilan birga paydo bo‘ladi. Fyodor amaki, Sharik va Matroskin allaqachon yaqin bo‘lib qolgan. Navbatdagi ta’tilni ularsiz o‘tkazib bo‘lmaydi.
“Rojdestvo oldidan dahshatli tush” (1993)
Tim Byortonning multfilmi ixtiro qilingan Xellouin shahri haqida hikoya qiladi. Uning aholisi bir-birlarini qo‘rqitadi. Bir kuni ushbu shaharning rahbari Jek Skellington tasodifan Rojdestvo shahriga kiradi. U yerda sodir bo‘layotgan voqealardan hayratda qolib, ko‘plab mo‘jizalar qilish uchun Santa Klaus bo‘lishga qaror qiladi. Ammo yovuz odamlar unga to‘sqinlik qiladi.
“Pochtachi qorbola” (1955)
Qorbola va uning kuchukcha do‘sti bolalarning xatlarini yetkazib berish va Rojdestvo archasini so‘rash uchun xavfli o‘rmon orqali Qorbobonikiga sayohatga borishi haqidagi yoqimli hikoya.
“Rudolf — qizil burunli bug‘u” (1964)
Kiyik Rudolfning qizil burni boshqalarnikidan ajralib turadi. Xo‘sh, bu yaxshimi? Savolga javobni multfilm tomoshasidan keyin berish mumkin.
“Qanday qilib Grinch Rojdestvoni o‘g‘irladi?” (1966)
Ushbu multfilmni nafaqat ta’tilda, balki Yangi yil oldidan ham tomosha qilish tavsiya etiladi.
“Shimol bug‘usi Rudolf” (1998)
Rudolf haqidagi multfilmlarning barchasi ham o‘ziga xos qiziqarli sujetga ega.
“Yangi yil kechasi” (1948)
Ikki mavjud bo‘lmagan qahramonlar (Qorbobo va Leshy) bolalar uchun bayramni tashkil etishga harakat qilayogan bir vaqtda eski va yangi mo‘jizalar haqida bahslasha boshlaydi.
“Klaus” (2019)
Multfilm Qorboboning Yangi yil ramziga aylanishidan oldingi hikoyasini so‘zlab beradi. Maftunkor, qiziqarli, chiroyli tarzda ishlangan multfilm sizni zeriktirmaydi!
“Yangi yil hikoyasi” (2009)
Bu Charlz Dikkensning ochko‘z Ebenezer Skruj haqidagi romani asosida ishlangan multfilm. U pulni yer yuzidagi asosiy baxt deb bilishga odatlangan, u faqat foydani qadrlaydi va bayram bu foydani undan o‘g‘irlaydi, chunki odamlar ishlamaydi, dam oladi. Ebenezer qiyin kechani boshdan kechirishi kerak, ammo bu voqealar uni o‘z e’tiqodining noto‘g‘riligiga ishontiradi. Skruje boshqa odamga aylanadi.
Mavzuga doir:
Izoh (0)