O‘zbekiston tashqi ishlar vaziri Vladimir Norov 27-dekabr kuni Qatarning O‘zbekistondagi elchisi etib tayinlangan Hasan Hamza Hoshimni qabul qildi.
TIV matbuot xizmatining ma’lum qilishicha, vazir elchidan ishonch yorliqlari nusxalarini qabul qilib, uni lavozimga kirishgani bilan tabrikladi va mas’uliyatli faoliyatiga muvaffaqiyatlar tiladi.
Suhbat davomida O‘zbekiston—Qatar munosabatlarining siyosiy, savdo-iqtisodiy va madaniy-gumanitar sohalardagi bugungi holati va uni rivojlantirish istiqbollari muhokama qilindi. TIV rahbari Qatar tomonini futbol bo‘yicha Jahon chempionati muvaffaqiyatli o‘tgani bilan ham tabrikladi.
Vladimir Norovning ma’lum qilishicha, 2023-yilda O‘zbekistonda Qatar elchixonasi ochiladi.
“Qatarning mamlakatimizda elchixonasi ochilishini olqishlaymiz. Ishonchim komilki, Qatar diplomatik missiyasining 2023-yildan boshlab faoliyat yuritishi ikki tomonlama hamkorlik salohiyatini to‘liq ro‘yobga chiqarishga xizmat qiladi”, — deb yozgan u Facebook’dagi sahifasida.
Izoh (0)