Davlat xavfsizlik xizmati tomonidan “Dok-1 Maks” preparati bilan bogʻliq holat yuzasidan jinoyat ishi qoʻzgʻatildi.
Hindiston davlatining “Marion Biotech Pvt. Ltd” kompaniyasiga tegishli mazkur dori vositasi mamlakatimizga “Quramax Medical” MCHJ tomonidan import qilinib, savdoga chiqarilgan.
Taʼkidlanishicha, preparat uy sharoitida bolalarga shifokor retseptisiz, ota-onalar tomonidan mustaqil yoki dorixona sotuvchilarining tavsiyasi bilan shamollashga qarshi vosita sifatida notoʻgʻri qoʻllanilgan.
Sogʻliqni saqlash vazirligining laborator oʻrganishlariga koʻra, “Dok-1 Maks” siropining tarkibida mavjud boʻlgan etilenglikol moddasi bemor salomatligida jiddiy salbiy oʻzgarishlarni keltirib chiqaradi.
Farmatsevtika tarmogʻini rivojlantirish agentligining Dori vositalari, tibbiy buyumlar va tibbiy texnika ekspertizasi va standartlashtirish davlat markazi xulosasiga koʻra, “Dok-1 Maks” siropi meʼyoriy hujjatda belgilangan talablarga javob bermaydi.
Hozirda holat yuzasidan Davlat xavfsizlik xizmatining Tergov boshqarmasi tomonidan “Quramax medical” MCHJ hamda “Dori vositalarini standartlashtirish ilmiy markazi” MCHJ mansabdor shaxslariga nisbatan Jinoyat Kodeksining 186-3 moddasi 4-qismi “a” bandi bilan jinoyat ishi qoʻzgʻatilib, gumonlanuvchi shaxslar DXX Tergov hibsxonasiga joylashtirildi.
Izoh (1)
Салом Менда бир савол бор нима учун энди текшириб курилган дори энди аятаяпсизлар одамлар боллар улгандан кейин лаборотория биринчи текшириб кейин таркатмайди вазиятни кутамиз СОГЛИКНИ САКЛАШ ВАЗИРИЛИГИДАН КИМГА ЖИНОИЙ ИШ КУЗГАТИЛАР ЭКАН