Sogʻliqni saqlash vaziri Samarqandda "Dok-1 Maks" preparati qabul qilgach vafot etgan 18 nafar bolaning ota-onasiga hamdardlik bildirib, ishga aloqador barcha shaxslar javobgarlikka tortilishini maʼlum qildi.
Foto: “Daryo” / Madina Nurman
“Dok-1 Maks” dorisining meʼyoridan ortiqcha isteʼmoli natijasida bu dunyodan 18 farzandlarimiz koʻz yumdi. Ularning ota-onalariga Sogʻliqni saqlash vazirligi va barcha tibbiyot xodimlari nomidan taʼziya bildiramiz.
Mazkur maʼlumot viloyat tibbiyot xodimlari tomonidan vazirlikdan yashirilgan. Ushbu maʼlumotga ega boʻlishimiz bilan oʻsha kunning oʻzidayoq maxsus ishchi guruh tuzib, huquqni muhofaza qilish organlari bilan birgalikda har bir holat oʻrganildi.
Hozirgi kunda dori vositasini respublikada roʻyxatdan oʻtgan, mamlakatga olib kelgan va sotuvida ishtirok etgan bir qancha shaxslar huquqni muhofaza qilish organlari tomonidan hibsga olindi. Ushbu holatga panja orasidan qaragan, oʻz vazifasiga loqaydlik bilan yondoshgan masʼul tibbiyot xodimlari lavozimidan ozod qilindi.
Ming afsuski, bolajonlarni hayotga qaytarmaydi, albatta. Farzand dogʻidan kuygan ota-onalarning dardini yengillashtirmaydi. Ushbu ishga aloqador farmasevtika xodimi boʻladimi, dorixona xodimi boʻladimi, shifokor boʻladimi hali hammasi javobgarlikka tortiladi. Bunga hech qanday murosa boʻlishi mumkin emas”, — dedi Behzod Musayev.
Mavzuga doir: DXX “Dok-1 Maks” preparati bilan bogʻliq holat yuzasidan jinoyat ishi qoʻzgʻatdi
Izoh (0)