Yaponiyada kuchli qor yog‘ishi oqibatida 17 kishi halok bo‘ldi, 110 kishi jarohatlandi. Bu haqda ABC news xabar berdi.
Mamlakatning shimolida va Yaponiya dengizi qirg‘oqlari bo‘ylab g‘arbda 17-dekabrdan beri qor yog‘moqda. 26-dekabrga kelib, Yamagata prefekturasida qor qalinligi 169 santimetrni tashkil qilgan.
Odamlarning o‘limi va jarohatlanishining aksariyati uy tomlaridagi qorni tozalash paytida yuz bergan. Qor yog‘ishi elektr ta’minotida uzilishlarga sabab bo‘lgan. Hozirgacha Niigata prefekturasida 1000 ga yaqin uy ketma-ket to‘qqizinchi kun elektr ta’minotisiz qolmoqda.
AQSH bo‘ylab davom etayotgan qor bo‘roni oqibatida kamida 34 kishi halok bo‘ldi. Avvalroq qurbonlar 24 kishini tashkil qilgandi. Bundan tashqari, mamlakatda elektr energiyasi bilan bog‘liq uzilishlar boshlandi. So‘nggi ma’lumotlarga qaraganda, 500 mingdan ortiq aholi elektr energiyasi bilan bog‘liq muammolarni boshidan kechirmoqda, shularning yarmidan ko‘pi — sharqiy Men shtati aholisidir.
Izoh (0)