AQSH sobiq prezidenti Donald Tramp Rojdestvo bayrami munosabati bilan yo‘llagan tabrigida amaldagi prezident Jo Baydenni “aqli zaif” deb atadi. Bu haqda u o‘zining Truth Social ijtimoiy tarmog‘ida yozgan.
“Barchaga, jumladan, mamlakatimizni yo‘q qilishga urinayotgan radikal so‘l marksistlarga hamda AQSHni sevuvchi Donald Trampning o‘rniga aqli zaif demokratni targ‘ib qilish uchun ijtimoiy tarmoqlar va sayoz OAVni qonunga xilof ravishda majburlab, ularga pul to‘layotgan FQBni Rojdestvo bilan tabriklayman”, — deb yozgan Tramp sobiq prezident AQSH Adliya vazirligini “adolatsizlik vazirligi” deb atadi.
Tramp 2016 va 2020-yillardagi AQSH prezidentlik saylovlarida Respublikachilar partiyasidan nomzod bo‘lgan. Bayden esa Demokratik partiya vakili.
Tramp 2017-yildan 2020-yilgacha prezidentlik qilgan. 2020-yilda u Baydenga saylovda yutqazdi, biroq mag‘lubiyatini tan olmadi va sudda ovoz berish natijalariga e’tiroz bildirmoqchi bo‘ldi. AQSH Oliy sudi da’voni rad etdi.
2021-yil yanvar oyida AQSHda tartibsizliklar boshlandi. Kongress prezidentlik saylovi natijalarini ma’qullashi kerak bo‘lgan kuni Tramp tarafdorlari Kapitoliy binosiga bostirib kirib, yig‘ilishni buzdi. Namoyishlardan so‘ng FQB 160 dan ortiq ish ochdi. Trampning o‘zi bo‘lsa Kapitoliyga bosqinni qoraladi.
Izoh (0)