АҚШ собиқ президенти Дональд Трамп Рождество байрами муносабати билан йўллаган табригида амалдаги президент Жо Байденни «ақли заиф» деб атади. Бу ҳақда у ўзининг Truth Social ижтимоий тармоғида ёзган.
«Барчага, жумладан, мамлакатимизни йўқ қилишга уринаётган радикал сўл марксистларга ҳамда АҚШни севувчи Дональд Трампнинг ўрнига ақли заиф демократни тарғиб қилиш учун ижтимоий тармоқлар ва саёз ОАВни қонунга хилоф равишда мажбурлаб, уларга пул тўлаётган ФҚБни Рождество билан табриклайман», — деб ёзган Трамп собиқ президент АҚШ Адлия вазирлигини «адолатсизлик вазирлиги» деб атади.
Трамп 2016 ва 2020 йиллардаги АҚШ президентлик сайловларида Республикачилар партиясидан номзод бўлган. Байден эса Демократик партия вакили.
Трамп 2017 йилдан 2020 йилгача президентлик қилган. 2020 йилда у Байденга сайловда ютқазди, бироқ мағлубиятини тан олмади ва судда овоз бериш натижаларига эътироз билдирмоқчи бўлди. АҚШ Олий суди даъвони рад этди.
2021 йил январь ойида АҚШда тартибсизликлар бошланди. Конгресс президентлик сайлови натижаларини маъқуллаши керак бўлган куни Трамп тарафдорлари Капитолий биносига бостириб кириб, йиғилишни бузди. Намойишлардан сўнг ФҚБ 160 дан ортиқ иш очди. Трампнинг ўзи бўлса Капитолийга босқинни қоралади.
Изоҳ (0)