Agar behosdan upa va ten qo‘ldan tushib sochilib ketsa, xavotirga o‘rin yo‘q. “Noviy ochag” nashri ushbu muammoning yechimi bilan bo‘lishdi.
Sochilib ketgan ten, upa va rumyanadan qanday qilib qayta foydalanish mumkin?
Buning uchun kerak bo‘ladi:
- bir juft salfetka;
- osh qoshiq yoki choy qoshiq;
- tish kavlagich;
- kichik paket;
- pipetka (shpris ham mos keladi);
- spirt.
- Ten yoki upa kichik paket yuzasiga yig‘iladi va ular bir xil massaga aylanguncha maydalanadi.
- Tayyor kukun yana idishga qayta solinadi.
- Pipetka yoki shpris bilan biroz spirt tortiladi. Kichkina idish uchun uch tomchi spirt kifoya.
- Massa yetarlicha qalin va zich bo‘lishi uchun yaxshilab aralashtiriladi.
- Upa yoki ten yuzasiga salfetka yopilib, tanga yoki medal qo‘yiladi va ustidan qoshiq yordamida qattiq bosiladi.
- Salfetka olib tashlanadi va mahsulot bir kun davomida ochiq qoldiriladi. Bu vaqt ichida spirt bug‘lanadi va hid yo‘qoladi. Shundan so‘ng ulardan yana foydalanish mumkin.
Singan upani spirtsiz qanday yig‘ish mumkin?
- Nozik teri egalari uchun upa yoki tenni spirt bilan qayta yig‘ish mumkin emas. Bu yerda ikkita variant bor: vazelin yoki dazmol.
- Dazmol yoqiladi, ammo bug‘ chiqaradigan qismi o‘chiriladi.
- Ten yoki upaning barcha qismi paket ustida maydalanadi.
- Maydalangandan so‘ng upa yana o‘z idishiga solinadi.
- Dazmol o‘chiriladi. Issiq holida u metall idishdagi kukun yuzasiga 10-15 soniya bosib turiladi. Ushbu jarayonni bir necha marta takrorlash mumkin. Issiqlik va bosim natijasida massa siqilib, deyarli yangi holatga keladi.
Izoh (0)