Сочилиб кетган упа ва тенни қандай қилиб аввалги ҳолига қайтариш мумкин?

Агар беҳосдан упа ва тен қўлдан тушиб сочилиб кетса, хавотирга ўрин йўқ. «Новий очаг» нашри ушбу муаммонинг ечими билан бўлишди.

Сочилиб кетган тен, упа ва румянадан қандай қилиб қайта фойдаланиш мумкин?

Бунинг учун керак бўлади:

• бир жуфт салфетка;
• ош қошиқ ёки чой қошиқ;
• тиш кавлагич;
• кичик пакет;
• пипетка (шприц ҳам мос келади);
• спирт.

• Тен ёки упа кичик пакет юзасига йиғилади ва улар бир хил массага айлангунча майдаланади.
• Тайёр кукун яна идишга қайта солинади.
• Пипетка ёки шприц билан бироз спирт тортилади. Кичкина идиш учун уч томчи спирт кифоя.
• Масса етарлича қалин ва зич бўлиши учун яхшилаб аралаштирилади.
• Упа ёки тен юзасига салфетка ёпилиб, танга ёки медал қўйилади ва устидан қошиқ ёрдамида қаттиқ босилади.
• Салфетка олиб ташланади ва маҳсулот бир кун давомида очиқ қолдирилади. Бу вақт ичида спирт буғланади ва ҳид йўқолади. Шундан сўнг улардан яна фойдаланиш мумкин.

Синган упани спиртсиз қандай йиғиш мумкин?

1. Нозик тери эгалари учун упа ёки тенни спирт билан қайта йиғиш мумкин эмас. Бу ерда иккита вариант бор: вазелин ёки дазмол.
2. Дазмол ёқилади, аммо буғ чиқарадиган қисми ўчирилади.
3. Тен ёки упанинг барча қисми пакет устида майдаланади.
4. Майдалангандан сўнг упа яна ўз идишига солинади.
5. Дазмол ўчирилади. Иссиқ ҳолида у металл идишдаги кукун юзасига 10-15 сония босиб турилади. Ушбу жараённи бир неча марта такрорлаш мумкин. Иссиқлик ва босим натижасида масса сиқилиб, деярли янги ҳолатга келади.