“Noviy ochag” nashri terining yangiligi va elastikligini tiklashga, qarish jarayonini sekinlashtirishga yordam beradigan bir nechta odatlarni sanab o‘tdi.
Nima uchun qarishga qarshi kosmetika ushbu jarayonni sekinlashtirishga yordam bermaydi?
Haqiqiy yoshga nisbatan yoshroq ko‘rinish va tabiiy qarishga qarshilik ko‘rsatish uchun uyqu, ovqatlanish va, albatta, turmush tarzini nazorat qilish kerak. Afsuski, agar inson surunkali ravishda yetarlicha uxlamasa, doim asabiylashsa yoki noto‘g‘ri ovqatlansa, qarishga qarshi hech qanday kosmetik mahsulot yordam bera olmaydi.
Ammo yaxshi xabar shundaki, agar quyidagi oltita oddiy odat hamisha amalga oshirilsa, ko‘p yillar davomida yosh ko‘rinishni saqlab qolish mumkin.
Ichkaridan boshlang
To‘g‘ri ovqatlanish, yetarli miqdorda suv, zarur vitamin va minerallarni muntazam ravishda iste’mol qilish tashqi ko‘rinishga darhol ta’sir qiladi — albatta, yaxshi tomonga. Kun davomida yetarli miqdorda suv ichish, sog‘lom yog‘larga boy mahsulotlar iste’mol qilish, tuz va shakarni kamaytirish — bu nafaqat teriga, balki butun organizm tizimlariga foyda keltiradigan oddiy odatdir.
Stressni unuting
Stress paytida ajralib chiqadigan gormonlar qarish sabablaridan biri bo‘lgan erkin radikallarga qarshi himoyani yo‘q qiladi. Albatta, hech bir inson stressdan butunlay xalos bo‘la olmaydi, lekin hech bo‘lmaganda oqibatlarni minimallashtirish mumkin: meditatsiyani o‘rganish va buni muntazam ravishda bajarish, toza havoda tez-tez yurish, suzish va tabiatda ko‘proq vaqt o‘tkazish tavsiya etiladi.
Dermatologga muntazam tashrif buyuring
Mutaxassis sizning teringizga nima kerakligini tez va oson aniqlay oladi. Qolaversa, samarali bo‘lgan usullarni maslahat beradi. Ehtimol, chuqur namlanish yoki to‘g‘ri ovqatlanish teri uchun muhimdir yoki maxsus protseduralar vaqti kelgan bo‘lishi mumkin. Har qanday holatda ham ma’lum bir yoshdan keyin yosh terini professional ravishda saqlab qolish uchun kosmetologga muntazam ravishda tashrif buyurish kerak.
Vitaminlar qabul qiling
Avvalo, C va E vitaminlari tabiiy va juda kuchli antioksidantlardir. Shunday qilib, C vitamini barcha qarishga qarshi mahsulotlar tarkibiga kiradi — bu kollagenning muhim qismi, terining elastikligi uchun javob beradigan oqsildir. E vitamini terining yoshligi va elastikligini saqlash uchun zarur bo‘lgan muhim moddalarni ishlab chiqarishda ham ishtirok etadi.
Chekishni tashlang
Bu arzimasdek tuyilishi mumkin, lekin haqiqat: hech qanday zararli odat teriga chekish kabi yomon ta’sir qilmaydi. Nikotin teri hujayralarida kislorod yetishmasligiga olib keladi, bu esa yuz rangining yomonlashishiga, elastiklikni yo‘qolishiga va ajinlar paydo bo‘lishiga sabab bo‘ladi.
Yetarlicha uxlang
Gap shundaki, uyqusiz tundan keyin yaxshi ko‘rinish qiyin: uxlash vaqtida organizm, gormonal muvozanat, hujayralar, shu jumladan teri hujayralari qayta tiklanadi. Sifatli uyqu teri hujayralarida qon aylanishini yaxshilaydi, shishdan xalos bo‘lishga yordam beradi va qarish bilan kurashadigan antioksidantlar ishlab chiqarishni rag‘batlantiradi.
Izoh (0)