Marie Claire nashri latofatli xonimlar uchun kun davomida lab bo‘yog‘i o‘chib ketmasligiga yordam beradigan layfxaklar bilan bo‘lishdi.
Lab bo‘yog‘i tarkibini tekshiring
Kosmetikaning tarkibi katta ahamiyatga ega, masalan, juda suyuq yoki mumsimon lab bo‘yog‘i tezda o‘chib ketadi. Bundan tashqari, u lab atrofidagi ajinlar bo‘ylab tarqalishi mumkin, bu ham yaxshi emas. Vaziyatdan chiqish yo‘li lab uchun laklar bo‘lishi mumkin, ular odatda zichroq va ko‘proq pigmentga ega, shuning uchun ular lablarda uzoq vaqt turadi.
Qalamdan foydalanish
Avval kontur chizish kerak, keyingina lab bo‘yog‘ini qo‘llash mumkin. Qalam kerakli to‘siqni yaratadi va lab bo‘yog‘ining og‘iz atrofidagi chiziq bo‘ylab tarqalishiga yo‘l qo‘ymaydi, shuningdek bo‘yoq rangini yanada boyitadi.
Qog‘oz ro‘molchalar
Lab bo‘yog‘i qo‘llagandan so‘ng lablarni ro‘molcha bilan artib, ustidan yana bo‘yoq surtiladi. Labdagi bo‘yoqning umrini oshirishning yana bir usuli —qog‘oz ro‘molcha orqali lab bo‘yog‘ining birinchi qatlamiga ozgina upa surtishdir. Ushbu layfxak orqali bo‘yoq rangini ham yaxshilash mumkin.
Upa
Lab bo‘yog‘i lablar konturi bo‘ylab ajin va yoriqlarga yopishib qolmasligi uchun uni qo‘llashdan oldin og‘iz atrofiga upa surtiladi. Bu bo‘shliqlarni to‘ldiradi va lab bo‘yog‘i silliqroq surtiladi.
Skrab
Quruq va yorilgan lablarga lab bo‘yog‘i qo‘llanilsa, chiroyli ko‘rinmasligi turgan gap. Terini yumshatish uchun skrabdan foydalanish va labdagi muammolarni bartaraf etish lozim.
Cho‘tka
Mutaxassislar lab bo‘yog‘ini cho‘tka bilan qo‘llashni maslahat beradi, shunda u yanada tekis va nozik bir qatlam tarzida surtiladi. Ushbu usulining yana bir afzalligi — qalamda chizilgan konturni silliq tarzda lab bo‘yog‘i bilan qoplash mumkin.
Izoh (0)