Qalin, uzun, qop-qora va qayrilgan — ayollarning ongida mukammal kipriklar shunday ko‘rinishga ega. Marie Claire nashri bunday mukammallikka erishish uchun bir nechta layfxaklar bilan bo‘lishdi.
Tush bir tekisda surtilishi uchun kipriklar butunlay toza bo‘lishi kerak. Ko‘z qovoqlarining terisi yumshatilib, ularga namlovchi tarkibiy qismdan bir tomchi qo‘llash mumkin.
Maxsus kiprik qayiruvchi vosita uzoq vaqt davomida kipriklarga chiroyli ko‘rinish imkonini beradi. Ular professional vizajistlarning sevimli vositasidir. Faqat ulardan to‘liq tozalangandan keyin foydalanish mumkin, aks holda kipriklar shikastlanishi, hatto sinishi mumkin.
Tush qo‘llashdan oldin kipriklarga surtiladigan shaffof upa uzun va qalin kipriklarni hosil qilishga yordam beradi. Mutaxassislarning ushbu maxfiy texnikasi, ayniqsa, siyrak va kalta kiprik egalari uchun ayni muddao.
Eng yaxshi ta’sirga erishish uchun bir vaqtning o‘zida ikki turdagi tushdan foydalanish mumkin. Birinchi kipriklarga uzaytiruvchi, keyin hajm beruvchi tushdan surtish tavsya etiladi.
Kiprik bo‘yashni ularning ildizidan boshlash kerak. Ehtiyotkorlik bilan tolalarning ildizlarini bo‘yab, so‘ngra burish harakatlari bilan uchlari tomon surtiladi. Bir-biriga yopishib qolmasligi uchun cho‘tkani kipriklarga botirib harakatlantirish kerak.
Maksimal hajmni yaratish uchun quyidagilarni sinab ko‘rish tavsiya etiladi: tush cho‘tkasi yangi bo‘yalgan kipriklarning eng uchida bir zum ushlab turiladi. Istalgan natijaga erishguncha ushbu harakatni takrorlash mumkin.
Agar kipriklar bir-biriga yopishgan bo‘lsa, ularni maxsus taroq yoki eski tushdan qolgan cho‘tka bilan ajratish mumkin.
Izoh (0)