Erling Holand 2022-yil golli vaziyatlarda ishtirok etish borasida Neymar va Levandovskini ortda qoldirdi. Faqatgina ikki futbolchi undan oldinda

“Manchester Siti” hujumchisi Erling Holand Angliya Liga Kubogi 1/8 finalida “Liverpul” darvozasini ishg‘ol qildi.

“Shaharliklar” hujumchisi uchun 2022-yil sermahsul o‘tmoqda. 22 yoshli futbolchi joriy yilda 41 ta o‘yinda ishtirok etib, “gol+pas” tizimida 51 (43+8) ochko jamg‘ardi. Shu tariqa Erling “PSJ” hujumchisi Neymar (42 o‘yinda 32+19) va “Barselona” forvardi Robert Levandovskini (51 o‘yinda 42+9) ortda qoldirdi.

Faqatgina Kilian Mbappe va Lionel Messi norvegiyalik hujumchidan oldinda. Fransuz 55 o‘yinda 72 (55+17) ochko, argentinalik esa 51 o‘yinda 63 (35+30) ochko to‘plagan.

Shuningdek, 2022-yilda sermahsullik namoyish etayotgan futbolchilar orasida Kristofer Nkunku (58 o‘yinda 37+13), Harri Keyn (61 o‘yinda 34+14) va Kevin de Bryuyne (54 o‘yinda 18+27) kabilar bor.