Desham Karim Benzemaning terma jamoaga qaytishini xohlamagan, biroq uning “Real”dagi o‘yini sabab chaqirgan

Fransiya bosh murabbiyi Didye Desham “Real” hujumchisi Karim Benzemani terma jamoada ko‘rishni xohlamagan.

Jurnalist Romen Molina ta’kidlashicha, Fransiya terma jamoasi murabbiyi “Real” forvardini milliy jamoaga qaytishidan xursand bo‘lmagan. Desham Benzemaning “Real”dagi yorqin o‘yini sabab uni terma jamoaga chaqirishga majbur bo‘lgan.

Karimning chaqirilishi jamoa yetakchilari Ugo Lyoris, Antuan Grizmann, Pol Pogba va Olivye Jiruni noroziligiga sabab bo‘lgan.

Benzemaning o‘zi ham Instagram sahifasida Fransiya terma jamoasining deyarli barcha futbolchilaridan obunani olib tashladi.

Marca, nashrining xabariga ko‘ra, fransuz faqatgina Eduardo Kamavinga, Orelyen Tchuameni, Kilian Mbappe, Rafael Varan va Markus Tyuramni kuzatib bormoqda. Shuningdek, Fransiya terma jamoasining rasmiy sahifasiga ham obuna bo‘lgan.

Fransiya futbol federatsiyasi (FFF) vakillari esa terma jamoa futbolchilariga Benzemaning postlariga layk bosmaslikni hamda izoh yozmaslikni aytgan.