Эрлинг Ҳоланд 2022 йил голли вазиятларда иштирок этиш борасида Неймар ва Левандовскини ортда қолдирди. Фақатгина икки футболчи ундан олдинда

«Манчестер Сити» ҳужумчиси Эрлинг Ҳоланд Англия Лига Кубоги 1/8 финалида «Ливерпуль» дарвозасини ишғол қилди.

«Шаҳарликлар» ҳужумчиси учун 2022 йил сермаҳсул ўтмоқда. 22 ёшли футболчи жорий йилда 41 та ўйинда иштирок этиб, «гол+пас» тизимида 51 (43+8) очко жамғарди. Шу тариқа Эрлинг «ПСЖ» ҳужумчиси Неймар (42 ўйинда 32+19) ва «Барселона» форварди Роберт Левандовскини (51 ўйинда 42+9) ортда қолдирди.

Фақатгина Килиан Мбаппе ва Лионель Месси норвегиялик ҳужумчидан олдинда. Француз 55 ўйинда 72 (55+17) очко, аргентиналик эса 51 ўйинда 63 (35+30) очко тўплаган.

Шунингдек, 2022 йилда сермаҳсуллик намойиш этаётган футболчилар орасида Кристофер Нкунку (58 ўйинда 37+13), Ҳарри Кейн (61 ўйинда 34+14) ва Кевин де Брюйне (54 ўйинда 18+27) кабилар бор.