Ispaniyalik tennischi Rafael Nadal JCH—2022 finalidagi hissiyotlari bilan bo‘lishdi.
“Ulkan toj”ning 22 karra chempioni Argentina va Fransiya o‘rtasidagi bahsga tashrif buyurgan.
“Ushbu o‘yinga shunchaki tomosha uchun borgandim, chunki, Ispaniya 1/8 finaldayoq musobaqani tark etgandi.
Juda ajoyib final bo‘ldi. Fransiyalik do‘stlarim uchun qayg‘udaman, Parij va Fransiya men uchun ko‘p narsani anglatadi. Biroq, Argentinadan ham juda ko‘p do‘stlarim bor.
Bu sport turini yaxshi ko‘raman va Messi kubokni boshi uzra ko‘targanidan xursandman. Shunday buyuk faoliyat ajoyib kulliminatsiyaga yetgani, Argentina uchun ko‘p narsani anglatadi. Menimcha, bu adolatli bo‘ldi.
Argentinaga muxlis emasdim, lekin qo‘shimcha bo‘limlarda Messi gol urgach, ko‘zlarimga yosh keldi. Leo faoliyatida yetishmayotgan sovringa ega chiqdi, bu hissiyotlarni tushunaman.
Final menga juda yoqdi, ayniqsa, 70-daqiqadan keyin”, — deydi Nadal.
Izoh (0)