Oq uy Ukraina prezidenti Vladimir Zelenskiy Vashingtonga tashrif buyurishini va Kongress ikkala palatasining qo‘shma sessiyasida nutq so‘zlab chiqishini tasdiqladi.
Shuningdek, u AQSH prezidenti Jo Bayden bilan uchrashib, nizo zonasidagi strategik vaziyatni, sanksiyalarni va Ukrainaga ko‘makni muhokama qiladi.
“Prezident Jo Bayden AQSHning Ukrainaga sodiqligini ta’kidlab ko‘rsatish uchun, Ukraina prezidenti Vladimir Zelenskiyni Vashingtonga tashrif buyurishga taklif qildi. Prezident Bayden prezident Zelenskiyni bugun, 21-dekabr kuni Oq uyda qarshi olish imkoniyatini intiqlik bilan kutmoqda, shundan keyin prezident Zelenskiy Kongress qo‘shma majlisida chiqish qiladi”, — deyiladi Oq uy matbuot kotibi Karin Jan-Pyer bayonotida.
Oq uy qayd etishicha, Kongressning ikkala palatasi sessiyasida nutq so‘zlash Ukrainani ikkala partiya bilan kuchli qo‘llab-quvvatlashni ko‘rsatadi.
Zelenskiyning o‘zi ham AQSHga tashrifini rasman tasdiqladi. U safardan maqsad — Ukrainaning barqarorligini va mudofaa qobiliyatini mustahkamlashdan iborat ekanini yozdi.
Bundan tashqari, Oq uy Ukrainaga 2 milliard dollarlik yangi yordam paketini e’lon qildi, unga Patriot havo hujumiga qarshi mudofaa batareyalari kiradi.
Avvalroq CNN o‘z manbalariga tayanib, Zelenskiy 21-dekabr kuni Bayden bilan uchrashish uchun Vashingtonga uchib ketgani haqida xabar bergandi.
Shuningdek, Amerika tomoni navbatdagi harbiy yordam paketi doirasida Ukrainaga Patriot zenit-raketa majmualarini hamda o‘q-dorilarni “aqlli” bombalarga aylantiradigan uskunalarni yuborishi, bu kelasi haftadayoq amalga oshirilishi xabar berilgandi.
Mavzuga doir:
Izoh (0)