Argentinada JCH—2022 chempionligini nishonlash fojia bilan yakunlandi, deya xabar beradi Euronews.
Aholi mamlakatning Qatardagi mundialda g‘olibligini nishonlashi uchun 20-dekabr kuni Argentinada milliy bayram e’lon qilindi. Millionlab odam ko‘chalarga chiqqan
Tartibsizliklar tundayoq boshlangan, tomdan sakrashga uringan 24 yoshli yigit vafot etgan. Yana biri boshidan olgan jarohat tufayli dunyodan ko‘z yumgan. Yana bir necha shaxs turli darajada tan jarohati olgan. Jamoa avtobusiga chiqishga urinishlar bo‘lgan, bir necha muxlis usti ochiq avtobusga ko‘prikdan sakragan, ulardan biri yerga yiqilgan.
Politsiya ko‘plab mashinalar o‘g‘irlangani va Buenos-Ayresdagi yodgorlikka shikast yetganini ta’kidladi.
8 soat bo‘lib o‘tishi reja qilingan parad muddatidan avval yakunlangan. Jamoa a’zolari vertolyotda olib ketilgan.
Argentina JCH—2022 finalida Fransiya ustidan g‘alaba qozondi (3:3, penaltilar seriyasida 4:2) va 36 yildan so‘ng chempionlikka erishdi.
Izoh (0)