Лаб бўёғи узоқ вақт давомида сақланишини таъминлайдиган лайфхаклар

Marie Claire нашри латофатли хонимлар учун кун давомида лаб бўёғи ўчиб кетмаслигига ёрдам берадиган лайфхаклар билан бўлишди.

Лаб бўёғи таркибини текширинг

Косметиканинг таркиби катта аҳамиятга эга, масалан, жуда суюқ ёки мумсимон лаб бўёғи тезда ўчиб кетади. Бундан ташқари, у лаб атрофидаги ажинлар бўйлаб тарқалиши мумкин, бу ҳам яхши эмас. Вазиятдан чиқиш йўли лаб учун лаклар бўлиши мумкин, улар одатда зичроқ ва кўпроқ пигментга эга, шунинг учун улар лабларда узоқ вақт туради.

Қаламдан фойдаланиш

Аввал контур чизиш керак, кейингина лаб бўёғини қўллаш мумкин. Қалам керакли тўсиқни яратади ва лаб бўёғининг оғиз атрофидаги чизиқ бўйлаб тарқалишига йўл қўймайди, шунингдек бўёқ рангини янада бойитади.

Қоғоз рўмолчалар

Лаб бўёғи қўллагандан сўнг лабларни рўмолча билан артиб, устидан яна бўёқ суртилади. Лабдаги бўёқнинг умрини оширишнинг яна бир усули —қоғоз рўмолча орқали лаб бўёғининг биринчи қатламига озгина упа суртишдир. Ушбу лайфхак орқали бўёқ рангини ҳам яхшилаш мумкин.

Упа

Лаб бўёғи лаблар контури бўйлаб ажин ва ёриқларга ёпишиб қолмаслиги учун уни қўллашдан олдин оғиз атрофига упа суртилади. Бу бўшлиқларни тўлдиради ва лаб бўёғи силлиқроқ суртилади.

Скраб

Қуруқ ва ёрилган лабларга лаб бўёғи қўлланилса, чиройли кўринмаслиги турган гап. Терини юмшатиш учун скрабдан фойдаланиш ва лабдаги муаммоларни бартараф этиш лозим.

Чўтка

Мутахассислар лаб бўёғини чўтка билан қўллашни маслаҳат беради, шунда у янада текис ва нозик бир қатлам тарзида суртилади. Ушбу усулининг яна бир афзаллиги — қаламда чизилган контурни силлиқ тарзда лаб бўёғи билан қоплаш мумкин.