Yaponiya AQSH hukumatlari prezident Jo Baydenning Nagasakiga tashrifini tashkillashtirish imkoniyatlarini o‘rganmoqda. Bu haqda Yomiuri nashri o‘z manbalariga tayanib xabar berdi.
Bu Amerikaning amaldagi yetakchisi tomonidan 1945-yilda AQSH atom bombalarini tashlagan shaharga amalga oshirilgan birinchi tashrifga aylanishi mumkin. 2016-yilda Barak Obama Xirosimaga kelgan birinchi AQSH prezidentiga aylangan edi.
Tashrif 2023-yil 19—21-may kunlari Xirosimada bo‘lib o‘tadigan sammitdan keyin amalga oshishi mumkin. Baydenga Yaponiya bosh vaziri Fumio Kisida hamrohlik qilishi kutilmoqda. Delegatsiya bombardimonlar chog‘ida vayron bo‘lib, so‘ng qayta tiklangan Urakami katolik soboriga ham borishi istisno qilinmayapti.
Yaponiya gazetasi ma’lumotlariga ko‘ra, tomonlar bu mavzuda muzokaralar olib bormoqda. Yakuniy qaror Nagasakining Amerika delegatsiyasi tashrifi uchun tayyorligiga baho berilganidan keyin qabul qilinadi. Bu mahalliy aholining tashrif yuzasidan fikrlariga ham taalluqlidir.
1945-yil 6 va 9-avgust kunlari AQSH Yaponiyaning Xirosima va Nagasaki shaharlariga yadroviy bombalar tashlagan. 1945-yil oxiriga kelib, 140 ming nafargacha odam halok bo‘lgan, ularning aksariyati tinch fuqarolar bo‘lgan.
Izoh (0)