Япония АҚШ ҳукуматлари президент Жо Байденнинг Нагасакига ташрифини ташкиллаштириш имкониятларини ўрганмоқда. Бу ҳақда Yomiuri нашри ўз манбаларига таяниб хабар берди.
Бу Американинг амалдаги етакчиси томонидан 1945 йилда АҚШ атом бомбаларини ташлаган шаҳарга амалга оширилган биринчи ташрифга айланиши мумкин. 2016 йилда Барак Обама Хиросимага келган биринчи АҚШ президентига айланган эди.
Ташриф 2023 йил 19—21 май кунлари Хиросимада бўлиб ўтадиган саммитдан кейин амалга ошиши мумкин. Байденга Япония бош вазири Фумио Кисида ҳамроҳлик қилиши кутилмоқда. Делегация бомбардимонлар чоғида вайрон бўлиб, сўнг қайта тикланган Ураками католик соборига ҳам бориши истисно қилинмаяпти.
Япония газетаси маълумотларига кўра, томонлар бу мавзуда музокаралар олиб бормоқда. Якуний қарор Нагасакининг Америка делегацияси ташрифи учун тайёрлигига баҳо берилганидан кейин қабул қилинади. Бу маҳаллий аҳолининг ташриф юзасидан фикрларига ҳам тааллуқлидир.
1945 йил 6 ва 9 август кунлари АҚШ Япониянинг Хиросима ва Нагасаки шаҳарларига ядровий бомбалар ташлаган. 1945 йил охирига келиб, 140 минг нафаргача одам ҳалок бўлган, уларнинг аксарияти тинч фуқаролар бўлган.
Изоҳ (0)