Rossiya prezidenti Vladimir Putin 2021-yil boshida Ukraina prezidenti Vladimir Zelenskiy bilan uchrashishdan bosh tortgan va rossiyalik siyosatchi Viktor Medvedchukka qarshi sanksiyalar tufayli uni “natsizm sherigi” deb atagan. Bu haqda The New York Times xabar berdi.
Maqolada aytilishicha, Medvedchukga qarshi sanksiyalar va uning tashviqot telekanallarining yopilishi “Kremlning barcha umidlarini puchga chiqargan”. 2021-yil oktabr oyida Isroil Bosh vaziri Naftali Bennet bilan uchrashuvda Putin bundan noroziligini bildirgan.
Isroil bosh vaziri Rossiya prezidentiga Ukraina rahbari Vladimir Zelenskiy yuzma-yuz uchrashuvdan manfaatdor ekanini aytgan. Bu taklifdan Putinning jahli chiqqan. Nashr manbalariga ko‘ra, Putin: “Bu odam bilan gaplashadigan hech narsam yo‘q, u natsizmning sherigi”, deya javob qaytargan.
17-dekabr kuni Ukraina prezidenti Vladimir Zelenskiy Rossiya rahbari bilan ringga chiqib, uning yuziga musht tushirishga tayyorligini ma’lum qildi.
“Masalani haqiqiy erkaklardek hal qilish uchun Putin bilan ringga chiqishga tayyorman. Agar haqiqiy erkak kimgadir qanaqadir xabar yetkazmoqchi bo‘lsa yoki uning basharasiga musht tushirmoqchi bo‘lsa — buni o‘zi qiladi, vositachilarni jo‘natmaydi”, — degan Ukraina prezidenti.
U agar shunday taklif kelib tushsa, ertagayoq ringga tushishi mumkinligini qo‘shib qo‘ygan.
Shuningdek, Zelenskiy unga Putin bilan muzokaralar o‘tkazishni taklif qilishayotganini aytgan. Biroq u qarashlar har xil bo‘lgani sababli Putin bilan muhokama qiladigan hech qanday mavzu yo‘qligini bildirgan.
Mavzuga doir:
- Putin Ukrainaga bostirib kirish Rossiya iqtisodiyotini o‘ldirishini bilgan — Financial Times
- “Putin Ukrainani qanchalik tez tark etsa, shunchalik uzoq yashaydi” — Zelenskiy
- Zelenskiy: “1991-yilgi chegaralarga qaytsakkina, Ukrainadagi nizo tugaydi”
- “Putin vafot etsa, Ukrainadagi urush tugaydi” — Zelenskiy
Izoh (0)