Gretsiya 2023-yil fevral oyidan boshlab olti oy ichida ko‘plab uy xo‘jaliklari uchun oziq-ovqat xarajatlarining 10 foizini budjet subsidiyalari hisobidan qoplab berishni rejalashtirmoqda. Bu haqda mamlakat bosh vaziri Kiriakos Mitsotakisga tayanib, Bloomberg xabar berdi. Subsidiyalar mamlakatdagi ikkita neftni qayta ishlash zavodida ortiqcha foyda solig‘i yig‘imlari hisobidan moliyalashtiriladi.
“Budjet xarajatlari 650 million yevroni tashkil qiladi”, — dedi u qonunchilar mamlakatning 2023-yilgi budjeti uchun ovoz berishni boshlashidan oldin.
Bosh vazir qo‘shimcha to‘lovlar uy xo‘jaliklarining 85 foizini yoki qariyb 8,4 million fuqaroni qamrab olishini qo‘shimcha qildi. Hozirgacha hukumat inflyatsiya oqibatlarini yumshatish uchun 15 milliard yevrodan sal ko‘proq mablag‘ sarflagan.
Gretsiya parlamenti mamlakatning 2023-yilgi davlat budjetini qabul qilish uchun ovoz berdi. U yalpi ichki mahsulotning 1,8 foiz o‘sishini ta’minlaydi va yakunda bu yilgi 210 170 milliard yevroga nisbatan 224 134 milliard yevroga yetishi kerak.
Shuningdek, inflyatsiya o‘sishi joriy yildagi 9,7 foizdan 2023-yilda 5 foizga oshishi kutilmoqda.
Ovoz berishdan oldin Mitsotakis va asosiy muxolifatchi partiya “Radikal so‘llar – Progressiv alyans” koalitsiyasi yetakchisi, sobiq bosh vazir Aleksis Sipras o‘rtasida debat bo‘lib o‘tdi.
Muxolifatchilar oziq-ovqat xaridlarini subsidiyalash rejalarini 2023-yilda bo‘lib o‘tadigan parlament saylovlari arafasida hukumatning saylov sovg‘asi deb atadi.
Izoh (0)