Ukraina prezidenti Vladimir Zelenskiy qurolli kuchlarining Qrimni ozod qilish operatsiyasi hali boshlanmagani, biroq aholi ongida u allaqachon shakllanganini aytdi. Prezident Fransiyaning TF1 Info telekanaliga bergan intervyusida bu haqda gapirdi.
“Operatsiyaning o‘zi hali boshlangani yo‘q. U boshlanganda albatta xabardor bo‘lasiz. Ishonamanki, Qrimni qaytarib olish odamlar ongida shakllangan. Ichki xohish, bunga munosabatning birligi eng muhim omildir”, — deydi Zelenskiy.
Ukraina rahbari Qrimni nafaqat so‘z bilan, balki uni harbiy yo‘l bilan ham qaytarishga tayyor bo‘lish muhimligi, chunki rus harbiylari uni shunchaki tark etmasligini aytdi.
“Tayyor bo‘lishimiz va olg‘a ketishimiz kerak. Hech kim Qrimdan shunchaki voz kechmaydi. Qayta zabt etish hamisha jamiyatdan boshlanadi, ya’ni istak, tayyorgarlik. Boshlanish borligiga ishonaman”, — dedi u.
Zelenskiy yarimorol ozod etilgandan keyin dengizga borish haqida berilgan savolga ham javob berdi.
“Qrimni yaxshi ko‘raman. Shuning uchun men Ukraina tomonidan qaytarib olingan Qrimning dengiziga boraman”, — dedi prezident va bu yerga 2023 yilning yozida kelish yaxshi bo‘lishini aytdi.
Oq uy Ukraina Qrimni qaytarish uchun harbiy salohiyatga ega ekanini ma’lum qilgandi. Shu bilan birga, AQSH hukumati rasmiylari Ukraina qo‘shinlarining Qrimdagi har qanday keng ko‘lamli hujumi Rossiyani yadro qurolidan foydalanishga undashidan xavotirda.
17-dekabr kuni Ukraina Milliy xavfsizlik va mudofaa kengashi kotibi Oleksiy Danilov Qrimdagi “okop”lar rus harbiylariga yordam bermasligi, shu uchun Ukraina yaqin orada yarim orolni qaytarib olishini aytgandi. Qrimning aniq qay tarzda ozod etilishini Ukraina harbiy-siyosiy rahbariyati hal qiladi.
Mavzuga doir:
Izoh (1)
борган сари чайналиган сакичга ухшаб боряпти.