“Yerusti halqa yo‘li” yo‘nalishidagi poyezdlar harakati 1 soatga qisqaradi

Toshkent metropolitenining “Yerusti halqa yo‘li” yo‘nalishida poyezdlar harakati 16-dekabr sanasidan soat 05:00 dan 23:00 gacha amalga oshiriladi. Bu haqda metropoliten matbuot xizmati xabar berdi.

Ma’lumotga ko‘ra, metro temiryo‘llarida bajarilishi lozim bo‘lgan texnik ishlar hamda o‘rnatilgan qurilmalarni texnik ko‘rikdan o‘tkazish maqsadida ushbu o‘zgarish amalga oshirilmoqda.

Keltirilgan noqulaylik yuzasidan barcha yo‘lovchilardan uzr so‘raymiz. Texnik ishlar yakuni bo‘yicha qo‘shimcha ma’lumotlar metropolitenning ijtimoiy tarmoqdagi rasmiy sahifalari orqali beriladi, — deyiladi xabarda.

Ma’lumot uchun, poyezdlaring odatiy qatnovi soat 05:00 dan 00:00 gacha amalga oshiriladi.

Mavzuga doir:

• Toshkent yerusti metrosining 19 ta bekati nomi o‘zgaradi
• Toshkent metrosidagi bekatlardan biri vaqtincha yopiladi
• Toshkentda yomg‘ir sabab yerusti yo‘nalishlarida poyezdlar harakati vaqtincha to‘xtatildi
• Havo harorati yuqoriligi sabab Toshkent metro poyezdlari tezligi cheklanadi