“Toshkent metropoliteni”ning “Yerusti halqa yo‘li”dagi 7-bekat (Qo‘yliq) 10-noyabrdan yo‘lovchilarga vaqtincha xizmat ko‘rsatmaydi. Bu haqda metropoliten axborot xizmati xabar berdi.
Qayd etilishicha, Toshkent shahri Farg‘ona yo‘li ko‘chasidan “Qo‘yliq” dehqon bozori tomon qurilayotgan yo‘l o‘tkazgichining metropoliten “Yerusti halqa yo‘li” yo‘nalishi 6- va 7-bekatlari oralig‘i yer ustki qismida qurilish konstruksiyalarining beton ishlari amalga oshiriladi.
Shu munosabat bilan 7-bekat (Qo‘yliq) 10-noyabr kuni soat 21:00 dan yo‘lovchilarga vaqtincha xizmat ko‘rsatmaydi. “Yer usti halqa yo‘li” yo‘nalishida poyezdlar harakati “Do‘stlik-2” bekati bilan 6-bekat oralig‘ida tashkil etiladi.
11-noyabrdan esa “Yer usti halqa yo‘li” yo‘nalishida poyezdlar harakati doimiy jadval asosida amalga oshiriladi.
Mavzuga doir:
Izoh (0)