Eng ko‘p uzum eksporti: dekabrda O‘zbekiston bozorlaridagi vaziyat qanday o‘zgarmoqda?

O‘zbekistonda 1—12-dekabr kunlari bozorlarda qishloq xo‘jaligi va go‘sht mahsulotlarining ulgurji narxlari haqida ma’lumot berildi.

Ushbu davr mobaynida bozorda quyidagi mahsulotlar arzonlashgan:

• sarimsoq piyoz — 2,75 ming so‘m;
• banan — 2,5 ming so‘m;
• apelsin — ming so‘m;
• lavlagi — 500 so‘m.

Shuningdek, quyidagi mahsulotlarning narxi oshgan:

• bulg‘or qalampiri (qizil) — 5,5 ming so‘m;
• bulg‘or qalampiri (yashil), nok (mahalliy) — 4 ming so‘m;
• olma (import), nok (import), no‘xat — 2,5 ming so‘m;
• pomidor (qizil) hamda guruch (alanga) — ming so‘m;
• karam, mosh — 500 so‘m.

1—12-dekabr kunlari umumiy qiymati 35,9 mln dollarlik (o‘tgan yilning mos davriga nisbatan 6,6 dollar kam) jami 47,2 ming tonna (12,8 ming tonna kam) qishloq xo‘jaligi mahsulotlari eksporti amalga oshirildi.

Mazkur davrda quyidagi mahsulotlar tashqi bozorlarga yetkazib berilgan:

• 9,7 ming tonna uzum;
• 8,3 ming tonna xurmo;
• 4,6 ming tonna loviya;
• 3,5 ming tonna mosh;
• 2,4 ming tonna quritilgan meva;
• 2 ming tonnadan mayiz va pomidor;
• 1,6 ming tonna gulkaram.

Ushbu davr mobaynida 7,2 mln dollar (o‘tgan yilning mos davriga nisbatan 3,2 ming dollar kam) qiymatidagi jami 29,6 ming tonna (10,9 ming tonna kam) qishloq xo‘jaligi mahsulotlari — 15,3 ming tonna kartoshka, 4,5 ming tonna mandarin, 4,1 ming tonna piyoz, 2,9 ming tonna banan, 694 tonna apelsin hamda 454 tonna kivi import qilingan.

“Qo‘yliq” bozoriga hududlardan jami 7,4 ming tonna, xususan, 3,4 ming tonna kartoshka, 3,2 ming tonna piyoz, 286 tonna karam va 530 tonna sabzi keltirilgan.

Xususan, hududlar va mahsulotlar kesimida tahlil qilinganda:

• Samarqanddan 586 tonna, Toshkent viloyatidan 391 tonna kartoshka;
• Jizzaxdan 1 050 tonna, Samarqanddan 922 tonna, Toshkent viloyatidan 893 tonna piyoz;
• Toshkent viloyatidan 286 tonna karam;
• Qashqadaryodan 312 tonna, Surxondaryodan 88 tonna, Toshkentdan 78 tonna, Buxorodan 52 tonna sabzi yetkazib berilgan.

Shuningdek, “Qo‘yliq” bozoriga Qozog‘istondan 1 976 tonna va Qirg‘izistondan 386 tonna kartoshka hamda Qozog‘istondan 318 tonna piyoz keltirilgan.

Shu bilan birga, hududlardan “Chorsu” dehqon bozoriga jami 146,4 tonna — 132,5 tonna mol go‘shti va 13,9 tonna qo‘y go‘shti keltirib sotilgan.

Mavzuga doir: O‘zbekistonda banan narxi oshib bormoqda. Endi meva iste’moli kamayadimi?