Энг кўп узум экспорти: декабрда Ўзбекистон бозорларидаги вазият қандай ўзгармоқда?

Ўзбекистонда 1—12 декабрь кунлари бозорларда қишлоқ хўжалиги ва гўшт маҳсулотларининг улгуржи нархлари ҳақида маълумот берилди.

Ушбу давр мобайнида бозорда қуйидаги маҳсулотлар арзонлашган:

• саримсоқ пиёз — 2,75 минг сўм;
• банан — 2,5 минг сўм;
• апельсин — минг сўм;
• лавлаги — 500 сўм.

Шунингдек, қуйидаги маҳсулотларнинг нархи ошган:

• булғор қалампири (қизил) — 5,5 минг сўм;
• булғор қалампири (яшил), нок (маҳаллий) — 4 минг сўм;
• олма (импорт), нок (импорт), нўхат — 2,5 минг сўм;
• помидор (қизил) ҳамда гуруч (аланга) — минг сўм;
• карам, мош — 500 сўм.

1—12 декабрь кунлари умумий қиймати 35,9 млн долларлик (ўтган йилнинг мос даврига нисбатан 6,6 доллар кам) жами 47,2 минг тонна (12,8 минг тонна кам) қишлоқ хўжалиги маҳсулотлари экспорти амалга оширилди.

Мазкур даврда қуйидаги маҳсулотлар ташқи бозорларга етказиб берилган:

• 9,7 минг тонна узум;
• 8,3 минг тонна хурмо;
• 4,6 минг тонна ловия;
• 3,5 минг тонна мош;
• 2,4 минг тонна қуритилган мева;
• 2 минг тоннадан майиз ва помидор;
• 1,6 минг тонна гулкарам.

Ушбу давр мобайнида 7,2 млн доллар (ўтган йилнинг мос даврига нисбатан 3,2 минг доллар кам) қийматидаги жами 29,6 минг тонна (10,9 минг тонна кам) қишлоқ хўжалиги маҳсулотлари — 15,3 минг тонна картошка, 4,5 минг тонна мандарин, 4,1 минг тонна пиёз, 2,9 минг тонна банан, 694 тонна апельсин ҳамда 454 тонна киви импорт қилинган.

«Қўйлиқ» бозорига ҳудудлардан жами 7,4 минг тонна, хусусан, 3,4 минг тонна картошка, 3,2 минг тонна пиёз, 286 тонна карам ва 530 тонна сабзи келтирилган.

Хусусан, ҳудудлар ва маҳсулотлар кесимида таҳлил қилинганда:

• Самарқанддан 586 тонна, Тошкент вилоятидан 391 тонна картошка;
• Жиззахдан 1 050 тонна, Самарқанддан 922 тонна, Тошкент вилоятидан 893 тонна пиёз;
• Тошкент вилоятидан 286 тонна карам;
• Қашқадарёдан 312 тонна, Сурхондарёдан 88 тонна, Тошкентдан 78 тонна, Бухородан 52 тонна сабзи етказиб берилган.

Шунингдек, «Қўйлиқ» бозорига Қозоғистондан 1 976 тонна ва Қирғизистондан 386 тонна картошка ҳамда Қозоғистондан 318 тонна пиёз келтирилган.

Шу билан бирга, ҳудудлардан «Чорсу» деҳқон бозорига жами 146,4 тонна — 132,5 тонна мол гўшти ва 13,9 тонна қўй гўшти келтириб сотилган.

Мавзуга доир: Ўзбекистонда банан нархи ошиб бормоқда. Энди мева истеъмоли камаядими?