O‘zbekistonda qaysi davlatlarning kapitali ishtirokidagi korxonalar soni ko‘pligi ma’lum qilindi

2022-yil 1-dekabr holatiga ko‘ra, O‘zbekistonda faoliyat ko‘rsatayotgan xorijiy kapital ishtirokidagi korxona va tashkilotlar soni 15 497 tani tashkil etgan. Bu haqda Davlat statistika qo‘mitasi xabar bermoqda.

Faoliyat ko‘rsatayotgan xorijiy kapital ishtirokidagi korxonalar soni o‘tgan yilning mos davriga nisbatan 2 389 taga oshgan.

Xorijiy kapital ishtirokida faoliyat ko‘rsatayotgan korxonalarning davlatlar kesimida soni:

• Rossiya — 3 055 ta;
• Turkiya — 2 171 ta;
• Xitoy — 2 115 ta;
• Qozog‘iston — 1 235 ta;
• Koreya — 919 ta.

Xorijiy kapital ishtirokida 2022-yilning 11 oyida yangi tashkil etilgan korxonalarning davlatlar kesimida soni:

• Rossiya — 842 ta;
• Turkiya — 331 ta;
• Xitoy — 245 ta;
• Qozog‘iston — 174 ta.

Avvalroq  yil boshidan buyon O‘zbekistonda 82 mingdan ortiq yangi korxonalar tashkil etilgani haqida xabar berilgandi.

Ularning eng ko‘pi Samarqand (9 332), Farg‘ona (7 951), Qashqadaryo (7 470), Toshkent (6 325), Xorazm (5 240) viloyatlarida va Toshkent (14 408) shahrida ro‘yxatga olingan.