Luvr muzeyidagi keng miqyosli “O‘zbekiston vohalarining mo‘jizalari. Karvon yo‘llari chorrahasida” nomli ko‘rgazma doirasida “El Viso Ediciones” nashriyot uyi bilan hamkorlikda Rokko Rante va Yannik Lintz umumiy muharrirligi hamda Monik Burezi ko‘magida suratlarga boy fransuz va o‘zbek tillarida katalog chop etildi. Bu haqda Madaniy meros agentligi xabar bermoqda.
Katalogga 37 nafar taniqli mahalliy va xorijiy olimning qadimiy madaniy arxeologik yodgorliklar, madaniy qadriyatlar hamda miloddan avvalgi III asrdan tortib to Temuriylar davrigacha bo‘lgan tarixga taalluqli 60 dan ortiq ilmiy maqolasi kiritildi.
Tadqiqotli maqolalarda zamonaviy O‘zbekiston hududida mavjud bo‘lgan tamaddunlar hayotida tijoriy va madaniy almashinuvlarning ahamiyati va tutgan o‘rniga oid tafsilotlar ochib berilgan.
O‘zbek tilidagi matnlar ustida mamlakatning fan, madaniyat, san’at, arxeologiya, tarix va tilshunoslik sohasi vakillari – M. Abdullayev, B. Abduhalimov, A. Bozorboyev, J. Ilyosov, Sh. Minovarov, J. Ostonov, Sh. Pidayev, E. Rtveladze, X. Fayziyev va boshqalar mehnat qildi.
Mavzuga doir:
- To‘rt yillik mehnat mahsuli. Parijda O‘zbekiston tarixi va madaniyatiga bag‘ishlangan ko‘rgazmalarga qanday tayyorgarlik ko‘rildi?
- “Fransuzlar Yevropa tashqarisida ham madaniyat mavjudligiga amin bo‘ldi”. Luvrdagi O‘zbekiston madaniy merosiga bag‘ishlangan ko‘rgazma xorijiy OAV nigohida
- Parijdagi O‘zbekiston ko‘rgazmasini tomosha qilish uchun turnaqator navbat yuzaga keldi (foto)
Izoh (0)