Yevropa Ittifoqi (YI) mamlakatlari Ukrainaga 18 milliard yevro miqdorida kredit yordami berishga imkon beruvchi qonun loyihalari to‘plamini kelishib oldi. Bu haqda “Kommersant” xabar bermoqda.
2023-yilda Ukrainaga beriladigan kredit miqdori 18 milliard yevroni tashkil etadi, kredit o‘n yillik imtiyozli davrga ega bo‘ladi. A’zo davlatlar foiz xarajatlarining asosiy qismini tashqi daromadlar hisobidan qoplaydi. Ushbu qarz olish uchun kafolatlar Yevropa Ittifoqi budjetidan yoki a’zo davlatlar tomonidan taqdim etiladi, — deyiladi Yevropa Kengashi press-relizida.
Ukrainaga bunday moliyaviy yordam ko‘rsatishga ruxsat beruvchi Yevropa Ittifoqining moliyaviy qonunchiligiga o‘zgartirish 6-dekabr kuni Kengash tomonidan qabul qilingan edi.
Ma’lum bo‘lishicha, Yevropa Ittifoqiga a’zo davlatlar yordam paketi bo‘yicha to‘liq kelisha olmagan — Vengriya uni qo‘llab-quvvatlashdan bosh tortgan.
18 milliard yevrolik moliyaviy yordam haqidagi xabarlar noyabr oyi boshida tarqalgan edi.
Avvalroq Jahon banki Ukrainaga davlat xizmatchilarining maoshi uchun 60 million dollar o‘tkazgan edi.
Izoh (0)