O‘zbekistonda pul o‘tkazmalari uchun haq to‘lash xizmatlari narxi o‘sib bormoqda

2022-yilning noyabr oyida O‘zbekistonda pul o‘tkazmalari uchun haq to‘lash xizmatlari narxlari oktabr oyiga nisbatan, ya’ni bir oyda o‘rtacha 0,7 foizga oshgan. Bu haqda Davlat statistika qo‘mitasi xabar bermoqda.

Ma’lumotlarga ko‘ra, pul o‘tkazmalari uchun haq to‘lash xizmatlari narxlari yil boshidan buyon o‘rtacha 3,2 foizga oshgan.

Shuningdek, pul o‘tkazmalari uchun haq to‘lash xizmatlari narxlari o‘tgan yilning mos oyiga nisbatan, ya’ni yillik nisbatda o‘rtacha 4,2 foizga oshgani kuzatilgan.

Bundan tashqari, 2022-yilning noyabr oyida moliyaviy xizmatlar narxlari oktabr oyiga nisbatan, ya’ni bir oyda o‘rtacha 0,2 foizga oshgan.

Avvalroq Rossiyadan O‘zbekistonga pul oqimi ikki barobarga ko‘paygani ma’lum qilingani haqida xabar berilgandi.