Европа Иттифоқи (ЕИ) мамлакатлари Украинага 18 миллиард евро миқдорида кредит ёрдами беришга имкон берувчи қонун лойиҳалари тўпламини келишиб олди. Бу ҳақда «Коммерсантъ» хабар бермоқда.
2023 йилда Украинага бериладиган кредит миқдори 18 миллиард еврони ташкил этади, кредит ўн йиллик имтиёзли даврга эга бўлади. Аъзо давлатлар фоиз харажатларининг асосий қисмини ташқи даромадлар ҳисобидан қоплайди. Ушбу қарз олиш учун кафолатлар Европа Иттифоқи бюджетидан ёки аъзо давлатлар томонидан тақдим этилади, — дейилади Европа Кенгаши пресс-релизида.
Украинага бундай молиявий ёрдам кўрсатишга рухсат берувчи Европа Иттифоқининг молиявий қонунчилигига ўзгартириш 6 декабрь куни Кенгаш томонидан қабул қилинган эди.
Маълум бўлишича, Европа Иттифоқига аъзо давлатлар ёрдам пакети бўйича тўлиқ келиша олмаган — Венгрия уни қўллаб-қувватлашдан бош тортган.
18 миллиард евролик молиявий ёрдам ҳақидаги хабарлар ноябрь ойи бошида тарқалган эди.
Аввалроқ Жаҳон банки Украинага давлат хизматчиларининг маоши учун 60 миллион доллар ўтказган эди.
Изоҳ (0)