Toshkentning Bektemir tumanida joylashgan qog‘oz qutilar saqlash omborxonasida yong‘in yuz berdi. Bu haqda FVV matbuot xizmati xabar qildi.
28-noyabr kuni soat 13:42 da Somon bozor ko‘chasida joylashgan qog‘oz qutilar saqlash omborxonasida yong‘in sodir bo‘layotgani to‘g‘risida shahar FVBga xabar kelib tushgan. Shunga ko‘ra 4 ta yong‘in-qutqaruv ekipaji soat 13:53 da voqea joyiga yetib borib, yong‘in soat 14:07 da qurshab olingan va soat 14:46 da bartaraf etilgan.
Yong‘in natijasida omborxonaning taxminan 150 kvadrat metr maydonda ichki qismi yonib zararlangan. Tan jarohati olgan va halok bo‘lganlar yo‘q.
Hozirda yong‘in sababi va moddiy zarar miqdori aniqlanmoqda.
Izoh (0)