Rossiya terma jamoasi bosh murabbiyi Valeriy Karpin O‘zbekistonga qarshi kechgan o‘rtoqlik o‘yinidan (0:0) keyin o‘z fikrlarini bildirib o‘tdi.
O‘yin haqidaMavzuga doir:Birinchi bo‘limda bir-birimizni o‘rgandik. Tezkor hujumni o‘tkazib yuborishdan qo‘rqdik. O‘zbekiston terma jamoasi bu narsadan yaxshi foydalanadi. Maydon markazida to‘p yo‘qotmaslikka urindik.
Ikkinchi bo‘limda yomon o‘ynamadik. Golga yaqin edik. Bizning darvozamiz oldida esa hech qanday xavf bo‘lmadi. Ba’zi kichik vaziyatlarni hisobga olmaganda, albatta. Umuman olganda yaxshi, o‘zining kuchli jihatlarini biladigan jamoa bilan o‘ynadik.
Markaziy Osiyo futboli borasida
Tojikiston Kipr bilan deyarli bir darajada. O‘zbekiston Sloveniya va Slovakiya bilan teng deb o‘ylayman. O‘zbekiston hammadan “kaltak yeydigan” jamoa bo‘lmasdi.
Tezkor gol borasida
Har bir murabbiy buni xohlaydi, biroq bor e’tiborni shunga qaratmagan edik.
Rossiya ketma-ket ikkita o‘yinda gol urolmagani haqida
Ha, bu meni xavotirga solyapti, ammo boshqa tomondan qaraydigan bo‘lsak ikkita bahsda gol o‘tkazib yubormadik. Raqiblarda deyarli vaziyat bo‘lmadi. Har kuni mashg‘ulot o‘tkazadigan klublar ham ba’zida gol ura olmaydi, terma jamoalar esa ora-sirada yig‘iladi. Futbolchilarimiz hozircha bir-birini juda yaxshi tushunmayapti. O‘yinga bo‘lgan munosabatdan qoniqyapman, ammo hujumdagi eng kerakli narsa yo‘q.
O‘zbekistonga qarshi yana o‘yin o‘tkazish haqida
Bu borada mening fikrim ijobiy, biroq hammasi menga bog‘liq emas. Rossiya futbol ittifoqi va O‘zbekiston futbol assotsiatsiyalari kelishishi kerak.
Valeriy Karpin, Rossiya terma jamoasi bosh murabbiyi
Izoh (0)