Россия терма жамоаси бош мураббийи Валерий Карпин Ўзбекистонга қарши кечган ўртоқлик ўйинидан (0:0) кейин ўз фикрларини билдириб ўтди.
Ўйин ҳақидаМавзуга доир:Биринчи бўлимда бир-биримизни ўргандик. Тезкор ҳужумни ўтказиб юборишдан қўрқдик. Ўзбекистон терма жамоаси бу нарсадан яхши фойдаланади. Майдон марказида тўп йўқотмасликка уриндик.
Иккинчи бўлимда ёмон ўйнамадик. Голга яқин эдик. Бизнинг дарвозамиз олдида эса ҳеч қандай хавф бўлмади. Баъзи кичик вазиятларни ҳисобга олмаганда, албатта. Умуман олганда яхши, ўзининг кучли жиҳатларини биладиган жамоа билан ўйнадик.
Марказий Осиё футболи борасида
Тожикистон Кипр билан деярли бир даражада. Ўзбекистон Словения ва Словакия билан тенг деб ўйлайман. Ўзбекистон ҳаммадан «калтак ейдиган» жамоа бўлмасди.
Тезкор гол борасида
Ҳар бир мураббий буни хоҳлайди, бироқ бор эътиборни шунга қаратмаган эдик.
Россия кетма-кет иккита ўйинда гол уролмагани ҳақида
Ҳа, бу мени хавотирга соляпти, аммо бошқа томондан қарайдиган бўлсак иккита баҳсда гол ўтказиб юбормадик. Рақибларда деярли вазият бўлмади. Ҳар куни машғулот ўтказадиган клублар ҳам баъзида гол ура олмайди, терма жамоалар эса ора-сирада йиғилади. Футболчиларимиз ҳозирча бир-бирини жуда яхши тушунмаяпти. Ўйинга бўлган муносабатдан қониқяпман, аммо ҳужумдаги энг керакли нарса йўқ.
Ўзбекистонга қарши яна ўйин ўтказиш ҳақида
Бу борада менинг фикрим ижобий, бироқ ҳаммаси менга боғлиқ эмас. Россия футбол иттифоқи ва Ўзбекистон футбол ассоциациялари келишиши керак.
Валерий Карпин, Россия терма жамоаси бош мураббийи
Изоҳ (0)